Gjykata e Shkallës së Parë në Durrës ka vendosur që më datë 3 Mars të bllokojë punimet në gjithë zonën arkeologjike A në Durrës, aty ku bashkia nisi të ndërtojë ‘Velierën’.
Në kuadër të hetimeve të nisura për projektin e sheshit “Veliera”, Prokuroria e Durrësit ka kërkuar në fillim të marsit vendosjen e sekuestros preventive mbi sheshin ku po kryhet investimi i Bashkisë Durrës, pranë Torres Veneciane.
Gjykata ka pranuar pjesërisht kërkesën e organit të akuzës duke marrë këtë masë vetëm në zonën arkeologjike A, që ndodhet mbi rrugë. Vendimi është marrë më 3 mars nga gjyqtari Petraq Çurri, sakaq vendimi është apeluar nga investitori, që është Bashkia e Durrësit.
