Gjykata e Shkodrës ka caktuar masën “arrest me burg” për drejtorin e Hipotekës së Shkodrës, Zamir Leka, si dhe e ka pezulluar nga detyra. Ky i fundit është vënë në pranga pas urdhrit të arrestit të lëshuar nga Prokuroria. Gjithashtu gjykata ka kërkuar dhe masën “arrest shtëpie” dhe pezullim nga puna për juristen e Hipotekës Frida Mirashin. Leka dhe Mirashi akuzohen për shpërdorim detyre.
Hetimet paraprake
“Gjatë hetimeve paraprake, ka rezultuar e provuar se shtetasi Zamir Leka, me detyrë regjistrues pranë ZVRPP Shkodër, në mënyrë të parregullt, pranon përfitime nga të tjerët, në këmbim të kryerjes së një veprimi, konkretisht regjistrimit të pasurive, lejeve të legalizimit, etj, detyrë funksionale kjo e tij.
Prokuroria e Rrethit Gjyqësor Shkodër ka regjistruar kryesisht procedimin penal penal lidhur me veprat penale të parashikuara nga nenet 245/1, paragrafi I dytë dhe 259 të K.Penal, në ngarkim të shtetasve Zamir Leka, A.H, J.Z, S.M, S.T. Në vijim të hetimeve, është regjistruar për llogari të këtij procedimi penal edhe emri I shtetasit M.B.”, thuhet në vendimin e gjykatës që ka pranuar kërkesën e Prokuroisë, për masat e sigurisë”.
Denoncimi në “Stop”
Në Janar të këtij viti, emisioni “Stop” publikoi denoncimin e nje qytetari që nuk i hipotekohej banesa.
“Stop” ka udhëtuar drejt Shkodrës, për një problem të qytetarit Agim Nabolli.Megjithëse prej një viti ka shlyer kredinë për shtëpinë ku jeton prej viti ’89, ai thotë, se nuk po mundet ta hipotekojë pronën. Në hipotekë i thonë, se për shkak të një gabimi të tyre, duhet të shkojë në gjyq, ose t’i marrë firmën komshiut.Gazetarja takon fqinjën e Agim Nabollit, e cila thotë, se nuk ka asnjë problem me të, por nuk e kupton, se cfarë bëhet fjalë.Kryeregjistruesi i Shkodrës, Zamir Leka, pranon gabimin dhe nis vetë procedurën 45 ditore për hipotekimin e shtëpisë së zotit Agim Nabolli.
