Pas fjalës së tij, Ivi Kas, përfaqësues i Partisë Demokratike, ka braktisur diskutimet për reformën zgjedhore, një tryezë e thirrur nga OSBE. Kaso është larguar nga tryeza ku ndodhen përfaqësues të Partisë Socialiste, opozitës parlamentare dhe OBSE-së.
Nuk dihen arsyet e largimit të përfaqësuesit demokrat nga takimi i organizuar nga OSBE, por ky veprim ka shkaktuar debate në tryezë midis deputetëve të opozitës dhe atyre të mazhorancës.
Deputeti Kujtim Gjuzi i është drejtuar bashkëkryetarit të Komisionit për Reformën Zgjedhore, Damian Gjiknuri, se: “Po ta prish PD-ja tryezën”.
Edhe deputeti tjetër, Adriatik Alimadhi, ka reaguar duke kërkuar largimin e opozitës nga tryeza, pasi ajo po merr ngjyra politike.
Debati
Kujtim Gjuzi: Kërkoj fjalën…
Damian Gjiknuri: Është kollaj të prishësh një tavolinë, po japim shembullin më keq. A doni që kjo tavolinë të jetë produktive, por është turp o njerëz. Ky nuk është komision i reformës. Është një konferencë, kemi ftuar ekspertë. Në fund të axhendës kemi tre seksione, për partitë që janë apo jo parlamente.
Edhe në nisje të tryezës ka patur një debat, mes Gjuzit dhe Gjiknurit.
Kujtim Gjuzi: Zoti Gjiknuri të lutem, duhet të flasë Rudina Hajdari para Ivit Kasos
Damian Gjiknuri: Axhenda është dakordësuar, nuk mund të bëni avokatin e saj, zoti Gjuzi
Kujtim Gjuzi: Ivi Kaso nuk mund të flasë para Rudina Hajdarit, nuk na e mbyll dot gojën
Damian Gjiknuri: Rri si njeri aty….mos bën avokatin e saj. Unë e kuptoj se nuk janë normale këto, por e kuptoj emocionet….
Adriatik Alimadhi: I bëj thirrje Hajdarit dhe Murrizit që të ikim nga kjo tryezë/ Opinion.al
