Pas situatës së krijuar në veri të Kosovës lidhur me reciprocitetin e targave, ambasadori serb në Shtetet e Bashkuara të Amerikës, Marko Gjuriç, shprehet se serbët në Kosovë janë viktima të një fushate represioni dhe dhune që ka zgjatur me vite dhe kulmi, sipas tij, arriti në javën e fundit duke dërguar njësi speciale në veri të vendit
Sipas Gjuriç, Kosova ka shkelur të gjitha marrëveshjet ekzistuese dhe të përbashkëta me Serbinë pas dërgimit të njësive speciale.
“Ekipi serb i udhëhequr nga kryeministrja Brnabiq, dhe ministri i Punëve të Jashtme, Selakoviq, shfrytëzuan rastin në OKB për të njohur të gjithë komunitetin ndërkombëtar me zhvillimet e fundit dhe mund të them që sot të gjithë e dinë se serbët janë viktima”, ka thënë Gjuriq, shkruan Tanjug.
Më tej, ai thotë se Prishtina ishte e para që filloi të bënte lëvizje që çuan në përshkallëzim të situatës./ Opinion.al
