Për eleminimin e peshës në pjesën e barkut ndonjëherë nuk mjafton vetëm një regjim ushqimor dhe stërvitor i përcaktuar. Një numër i madh studimesh tregojnë se problemet me gjumin ndikojnë direkt në marrjen e peshës në pjesën e barkut.
Nëse ne nuk arrijmë t’i bëjmë të plota orët e gjumit, ndikon menjëherë duke sabotuar humbjen e peshës. Gjithashtu sipas studimeve mungesa e gjumit çon në probleme shëndetësore si rritja e presionit të gjakut, sëmundjet e zemrës, obezitetit, kancerit dhe dy tipeve të diabetit.
Ndonëse ju po bëni gjithçka për të humbur kilogramë nuk duhet të harroni që edhe gjumi është një faktor kyç që t’ia arrini këtij qëllimi. Ndonëse varet nga individët dhe moshat është e këshillueshme që të rriturit të realizojnë 7 deri në 9 orë gjumë.
Si ndikon gjumi në humbjen ose jo të peshës:
Rrit oreksin:
Kërkuesit kanë zbuluar se mungesa e gjumit çon në rritjen e oreksit tuaj duke shtuar hormonin që realizon rritjen e urisë si dhe rritjen e kalorive.
Rrit numrin e kalorive:
Studimet kanë vërtetuar gjithashtu që personat që nuk i bëjnë të plota orët e gjumit kanë një tendencë në harxhimin e kalorive si dhe bëjnë zgjedhje të gabuara tek ushqimet që duhet të konsumojnë duke shtuar peshë. Nëse një person fle vetëm 4 orë numri i tij i kalorive shkon në 559 më shumë sesa dita e mëparshme, krahasuar me rastin kur ka fjetur 8 orë të plota.
Ngadalëson metabolizmin:
Mungesa e gjumit çon në rënien e metabolizmit si dhe në dobësimin e muskujve./Xh.K/Opinion.al/
