Ministrja e Integrimit Klajda Gjosha ka komentuar vizitën e Kryeministrin Rama në Berlin dhe takimin me Merkelin, ku ajo ishte pjesë e delegacionit. Ajo tha për mediat se “Nuk mund të jap detaje të hodhësishme nga bashkëbisedimi për afro një orë ku kam qenë e pranishme së bashku me kolegun Bushati, por ju siguroj se kemi konstatur mbështetjen e qartë të Merkelit”.
Gjithçka varet nga ecuria e Vettingut dhe sa më shpejt të nisë zbatimi aq më parë mund të çelen negociatat. Kjo është konfirmuar dhe në takimin me kryeparlamentarin e Bundestagut gjerman, vijoi ajo.
Duke iu referuar qëndrimit të deputetit gjerman Krichbaum ministrja Gjosha mbajti këtë qëndrim: “Nuk jemi në fazën e vendimamarrjes së parlamentit. As nuk duhet të habitemi as të abuzojmë me qëndrimet e deputetëve. Për ta është një proces i natyrshëm politik. Prandaj ne duhet të fokusohemi në procesin tonë”.
Sipas Gjoshës kushti për çeljen e negociatave është vettingu, ndërsa zgjedhjet janë kriter që duhet të plotësohet.
“Zgjedhjet nuk janë kusht por kriter që duhet të plotësojmë. Zgjedhjet janë shumë të rëndësishme. Duhet që reforma zgjedhore të përfundojë sa më shpejt”, tha ministrja e Integrimit.
