Kryeministri Edi Rama zhvilloi mbrëmjen e sotme një mbledhje me disa prej ministrave të kabinetit, ku do diskutohet situata e shkaktuar nga koronavirusi.
Në këtë mbledhje, ministrja e Drejtësisë Etilda Gjonaj ka shpjeguar dhe për aktin normativ për lirimin e përkohshëm të rreth 600 të dënuarve për shkak të koronavirusit
Gjonaj tha se do të ketë komisione të posaçme që do të shqyrtojnë dokumentet e të dënuarve. Po kështu janë 3 formularë që do të plotësohen nga të dënuarit dhe familjarët e tyre.
Ministrja thekosi se lidhur me këtë çështje në do të ketë dhe komunikim me prokuroritë dhe policitë e zonave nga janë këta të dënuar nëse përbëjnë rrezikshmëri.
Rama: Dy fjalë për aktin normativ të djeshëm për mënyrën si do bëhet dalja e atyre personave për 3 muaj nga burgjet. Ça po bëhet aktualisht tani që po flasim për të implementuar aktin.
Gjonaj: Me hyrjen në fuqi të aktit normativ, drejtori i burgjeve ka nxjerrë udhëzimet për ngritjen e komisioneve që do të shqyrtojnë dokumentet e të dënuarve. Komisioni i çdo IEVP do të jetë i pari që do të shqyrtojë kërkesën dhe dok e kërkuar nga legjislacioni. Janë miratuar 3 formularët, një që plotësohet nga i dënuarit dhe i dyti është deklarata e përgjegjësisë që firmos i dënuari që do të dalë dhe formulari i tretë, është ai që jep çdo familjar duke dhënë pëlqimin që personi i dënuar të rrijë në shtëpi.
Të gjitha IEVP kanë komunikuar me prokuroritë e rretheve dhe policitë për të marrë informacionin e nevojshëm për kriteret ndaluese që përmban akti normativ, nëse kanë rrezikshmërinë për ambientit ku do të jetojnë. Shërbimi i Brendshëm i Kontrollit të Burgjeve i përfshirë në këtë proces për masat që mund të kenë marrë të dënuarit. I gjithë procesi është i rregulluar nëpërmjet akteve. Është ngritur dhe komisioni i posaçëm i ankimeve që do të marrë në shqyrtim çdo vendimmarrje nëse ka ankesa nga persona që nuk iu është miratuar leja.
Numri total i cili është nxjerrë deri tani është 600 por nuk do të thotë se ky është numri final, pasi mund të ulet nëse ata nuk përmbushin kriteret./ Opinion.al
