Trajneri i Kukësit, Ernest Gjoka, ka dhënë mendimet e tij të para për fazën përgatitore që po zhvillon skuadra në Antalia. Në një prononcim për faqen e klubit, tekniku ka folur për situatën e skuadrës, përforcimet e mundshme, miqësoret si dhe fokusin e përgatitjeve të ditëve në Turqi.
Për ditët e para “Përgatitjet vijojnë me ritëm të lartë, në këto dy ditë të para të stërvitjes, në një hotel që është me parametrat europian. Sigurisht janë dy ditë të para, me ngarkesa fizike të larta dhe për momentin gjendja e skuadrës është e ngarkuar fizikisht. Gjithsesi ne për këtë punë kemi ardhur, që të fillojmë të rrisim nivelin tonë”.
Për miqësoren me Bashakshehir
“Sigurisht është një ndeshje shumë e fortë është një ndeshje me një skuadër elitare të futbollit turk, që dihet se në çfarë niveli është futbolli turk tashmë. Ne do të mundohemi të japim maksimumin kundër Instanbul Bashakshehirit, edhe pse në këto momente nuk jemi në 100% tonë. Ne vlerësojmë ndeshjen dhe momentin që jemi ne. Na takon të bëjmë një paraqitje dinjitoze, si dhe të shikojmë, për të vënë piketat për datën 21, pasi arsyeja kryesore, pse ne ndodhemi në Antalia, është që rifillimi i kampionatit të na gjejë gati”.
Unë e kam thënë gjithmonë, që kemi një ekip të kompletuar me shumë cilësi brenda, që deri më tani ka bërë mirë, por nëse do të afrohet një lojtar, që të ketë më shumë cilësi se grupi aktual pse mos ta pranojmë. Deri më tani kemi marrë një lojtar si Rumbullaku, i cili po orientohet dhe po bashkëpunon me skuadrën. Gjithashtu ka ardhur në provë dhe një lojtar nigerian, të cilin ne po e shohim me kujdes. Për objektivat e përgatitjeve
“Sigurisht kjo është një minifazë përgatitore, ku ne duhet të rrisim me patjetër komponentin e cilësive tona fizike, por dhe të shohim me kujdes anën teknikotaktike, që është baza e skuadrës tonë”.
