Administratorët e dy lokaleve janë ndëshkuar me masë administrative 1 milion lekë, pasi u konstatua se kishin organizuar dasma në kundërshtim me Aktin Normativ.
Një lokal në Njësinë Administrative Manzë kishte organizuar dasmë në kundërshtim me Aktin Normativ, duke mos respektuar distancën e sigurisë midis personave. Për këtë subjekt me pronar shtetasin me inicialet R. H., shërbimet e Policisë kanë vendosur masë administrative 1.000.000 lekë.
Gjithashtu, në lagjen nr. 1, Durrës kanë evidentuar një tjetër lokal, me menaxher shtetasin F. K., që organizonte ceremoni martesore në kundërshtim me Aktin Normativ. Edhe për këtë subjekt është vendosur masë administrative 1.000.000 lekë.
Policia e Durrësit apelon për të gjithë administratorët e subjekteve që ushtrojnë aktivitet, të respektojnë me rigorozitet protokollet e sigurisë dhe masat kufizuese, me qëllim parandalimin e përhapjes së Covid-19./ Opinion.al
