Mbi 1000 drejtues makinash janë ndëshkuar për shkelje dhe mosrespektim të rregullave të qarkullimit,160 leje drejtimi janë pezulluar si dhe janë vënë në pranga 5 shtetas.
Policia rrugore në Fier ka kryer kontrolle intensive në të gjithë qarkun për të evidentuar dhe ndëshkuar shkelësit e Kodit Rrugor. Nga këto kontrolle bëhet me dije se janë pezulluar 160 leje drejtimi, nga të cilat 157 për tejkalim të normave të shpejtësisë.
Uniformat blu kanë gjobitur mbi 1000 drejtuesit makinash për shkelje të ndryshme të Kodit Rrugor si dhe kanë vënë në pranga 5 prej tyre që kanë shkelur rregullat e qarkullimit.
“Sipas policisë gjatë javës që lamë pas, si rezultat i këtyre kontrolleve, janë pezulluar 160 leje drejtimi, nga të cilat 157 për tejkalim të normave të shpejtësisë dhe 3 për drejtim mjeti nën efektin e alkoolit apo në gjendje të dehur.
Gjithashtu, gjatë kontrolleve janë arrestuar në flagrancë 5 drejtues mjetesh, nga të cilët 2 për drejtim mjeti në gjendje të dehur, 2 për shkelje të rregullave të qarkullimit dhe 1 për drejtim mjeti pa leje drejtimi dhe janë proceduar në gjendje të lirë 2 shtetas të mitur për drejtim mjeti pa leje drejtimi.
Janë ndëshkuar për përdorim të celularit gjatë drejtimit të automjetit, 161 drejtues.
Janë ndëshkuar 330 drejtues mjetesh për parakalime të gabura.
284 drejtues mjetesh janë ndëshkuar për mosvendosje të rripit të sigurimit.
38 drejtues janë ndëshkuar për mosvendosje të kaskës mbrojtëse.
1025 drejtues janë ndëshkuar për shpejtësi tej normave të lejuara”, tha policia.
Kontrollet janë kryer me qëllimin parandalimin e ngjarjeve rrugore me pasoja për jetën dhe shëndetin e përdoruesve të rrugës./Opinion.al
