256 drejtues mjetesh janë gjobitur nga Policia Rrugore që nga ora 16:00, pasi kanë kryer parakalime të gabuara dhe nuk kanë respektuar rregullat e qarkullimit rrugor.
Po ashtu, Policia sqaron se pasditen e sotme janë pezulluar 31 leje drejtimi për shpejtësi tej normave të lejuara dhe 12 leje drejtimi për drejtim mjeti nën efektin e alkoolit.
Po ashtu, nga shërbimet e Policisë Rrugore të Tiranës është vënë në pranga shtetasi B.B, 55 vjeç, pasi drejtonte nje mjet taxi 8+1 në gjëndje të dehur në masën 0.94 mg/l.
Policia e Shtetit njofton se për shkak të kthimit të qytetarëve nga zonat bregdetare dhe turistike drejt Tiranës dhe Morinës është krijuar trafik. Ndërkohë, janë shtuar kontrollet në hyrje të Tiranës, Elbasanit, Durrësit.
Njësia Operacionale e Policisë Rrugore, në bashkëpunim me Komisariatin e Policisë Rrugore të Tiranës, dhe 11 Sektorët e Policisë Rrugore në DVP-të po monitorojnë fluksin me dron e radarë dhe alkooltestues për evidentimin dhe ndëshkimin e drejtuesve të mjeteve që kryejnë parakalime të gabuara, që qarkullojnë me shpejtësi tej normave të lejuara, që drejtojnë mjetet nën efektin e alkoolit apo në gjendje të dehur./Opinion.al
