Te Fundit

Gjobat e reja tatimore në Gjykatën e të Drejtave të Njeriut


Bëhu pjesë e Grupit Zyrtar të Opinion.al
>> KËTU <<
               Publikuar në : 08:35 - 28/09/15 |
b.f

TIRANË– Gjobat e reja tatimore që miratoi Kuvendi si masë shtërnguese ndaj biznesit informal mund të ankimohen në Gjykatën Europiane të të Drejtave të Njeriut. Agjencia ‘Birn’, duke iu referuar Teo Alexandridis, ekspert i të drejtës Europiane, shkruan se “këto masa mund të konsiderohen shkelje e parimeve të së drejtës Europiane”. Ndaj me hyrjen në fuqi të këtij ligji, çdo biznesi që gjobitet në shumat marramendëse të caktuara në ligj mund të ankimojë në Gjykatën Europiane.

Këto shkelje, sipas Alexandridis mund ta vendosin shtetin shqiptar përballë penaliteteve shtesë nga Gjykata Europiane e të Drejtave të Njeriut.“Masat ndëshkimore duhet të jenë në proporcion me dëmin e shkaktuar ndaj interesit publik,” sqaron eksperti ligjor.

Ligji për gjobat tatimore parashikon gjobitjen e një biznesi deri në 500 mijë lekë në rast se ka punësuar persona në të zezë. Kjo gjobë mund të konsiderohet shkelje e të drejtave të njeriut, pasi dëmi që i është bërë shtetit është shumë më i vogël.

Për biznesin e vogël, ligji parashikon gjobë 500 mijë lekë në rast se kapet duke shitur pa kupon tatimor ndërsa për biznesin e madh gjoba shkon në 10 milionë lekë.

Por gjobat për moslëshim kuponi tatimor për biznesin e vogël në masën 500 mijë lekë konsiderohen edhe më të palogjikshme se sa ato për punësime në të zezë, për shkak se janë të palidhura me dënim e krijuar në buxhetin e shtetit.

Gjykata Europiane e të Drejtave të Njeriut ka diskutuar përgjatë historisë së vet shumë raste të gjobave tatimore dhe ndonëse pranon se qeveritë kanë të drejtë të ndërmarrin masa të ashpra për llogari të efikasitetit të mbledhjes së detyrimeve fiskale, ka argumentuar gjithashtu se këto masa konsiderohen si joproporcionale dhe në shkelje të ligjit europian në rast se e vendosin tatimpaguesin në gjendje tepër të vështirë.

KOMENTO (0)

Shkruaj nje koment

    Pas