Gjykata për Korrupsionin dhe Krimin e Organizuar ka dhënë informacion në një dalje për mediat lidhur me aktivitetin e saj nga data 10 mars deri më 30 prill, periudhë që përkon me krizën e pandemisë së koronavirusit.
Gjatë kësaj kohe GJKKO aprovuar 40 nga 43 kërkesa për sekuestrim pasurie. Sa i përket 3 kërkesave të tjera ato nuk janë refuzuar por janë ende në shqyrti. Gjatë pandemisë GJKKO ka liruar 20 të paraburgosur nga arrest me burg në arrest shtëpie.
Gjyqtarja Saida Dollani bëri me dije se vetëm një gjyqtare është dyshuar si e infektuar me COVID-19 por pas tesimeve ajo doli negative. Pjesa tjetër e trupës gjykuese nuk kishte patur probleme të kontraktimit të koronavirusit.
Nga ana tjetër gjatë kësaj kohe GJKKO ka shqyrtuar 104 kërkesa në hetime paraprake ndërkohë seancat e mbajtura janë 81, nga të cilat 37 çështje themeli, 21 paraprake, 15 masa sigurimi, 2 konfiskime dhe 5 me videokonferencë. /Opinion.al
