Aktualitet

GJKKO pushon çështjen, Dvorani: Ka ikur koha e gjyqeve popullore


Bëhu pjesë e Grupit Zyrtar të Opinion.al
>> KËTU <<
               Publikuar në : 10:50 - 23/11/21 |
Opi Nion

Gjykata e Posaçme kundër Krimit të Organizuar dhe Korrupsionit ka vendosur në seancën e zhvilluar këtë të martë pushimin e çështjes për ish-kreun  KED, Ardian Dvorani, pas padisë së presidentit Ilir Meta.

Në një prononcim për mediat para dyerve të gjykatës, Dvorani tha se nuk ka përplasje me asnjë institucion dhe se ushtron detyrën si gjyqtar.

“Unë nuk kam përplasje me asnjë institucion, ushtroj detyrën jam gjyqtar. Është jashtë realitet të mendoj që ka përplasje. Kush mendon se ka përplasje i ka për vete.

Është e drejta e zotit Meta që të ketë interpretimin e tij. Nuk jam kurrkush ta gjykoj dhe paragjykoj. Janë institucionet ato që vendosin. Koha e gjyqeve popullore i përkasin një regjimi të kaluar. Gjyqet nuk bëhen në media,” u shpreh Dvorani.

Çështja është pezulluar gjithashtu edhe për ish-ministren e Drejtësisë Etilda Gjonaj dhe zyrtarë të tjerë të përfshirë në kallëzimin e ish kreut të shtetit.

Kujtojmë se Presidenti i Republikës Ilir Meta paditi Dvoranin në 18 shkurt të 2020-ës për “shpërdorim detyre” dhe “përvetësim të kompetencave”: në rastin e emërimeve për Gjykatën Kushtetuese./Opinion.al

Pas