GJKKO ka lënë në fuqi masën e detyrimit të paraqitjes dhe të ndalimit të daljes jashtë shtetit për ish-ministrin e Shëndetësisë Ilir Beqaj i cili akuzohet për shpërdorim detyre në dosjen e koncesionit të sterilizimit.
Pasi doli nga ambientet e GJKKO Beqaj dha një deklaratë për mediat.
Ai theksoi se nuk do të kundërshtojë procesin ndërsa theksoi se çdo gjë që është bërë ka qenë e mirë.
““Përveç rezervave, kam vendosur që mos të kundërshtoj. Ajo që kemi bërë për shëndetësinë ka qenë një gjë e mirë. Për çështjen në fjalë bëhen 8 vite për çështjen në fjalë. Në këto 8 vite 400 kirurgët operojnë në kushte bashkëkohore, shqiptarët operohen në kushte sterile, dhe në çdo operacion i kursehen qëndrimet në spital”-tha Beqaj.
