GJKKO nuk ka ndryshuar masën e sigurisë ndaj biznesmenit Pëllumb Gjoka dhe 5 të arrestuarit e tjerë duke lënë në fuqi ‘arrestin me burg’.
Pas këtij vendimi avokati I biznesmenit Pëllumb Gjoka në një dalje për media tha se do i drejtohet gjykatës së Lartë dhe asaj Kushtetuese.
Avokati Ylli Manjani ka deklaruar se drejtësia nuk po ushtron një standart të drejtë.
Gjatë fjalës së tij ai tha se drejtësia duhet të vijojë hetimet, por nuk ka përse të mbajë në burg klientin e tij.
Mes të tjerash ai tha se “nuk është parë asgjë akoma” nga drejtësia.
“Drejtësia nëse do të hetojë le të hetojë, mbajtja në burg gjatë hetimit nuk është standart. Me këtë standart nuk keni parë gjë akoma. Nuk ka prova. Nuk bëj dot teori konspiracioni, nuk i ushqej dot konspiracionistët me teori. Atë që nuk keni parë akoma është standarti i ulët i marrjes në përgjegjësi penale. Për shkak të këtij standarti shprehja e shokut Enver të gjithë në ushtri, do bëhet të gjithë në burg”, u shpreh ai./Opinion.al
