Ish-kryeministri Sali Berisha ka njoftuar mbajtjen e një konference të jashtëzakonshme për shtyp në orën 21:00.
Ai e njoftoi daljen në konferencë në një postim në rrjetet sociale. Reagimi i Berishës do të vij pasi GJKKO vendosi masën “Detyrim paraqitje” për të dhe arrestimi i dhëndrit të tij, nga policia në Rinas.
“Të dashur miq, në ora 21:00 ju ftoj të ndiqni deklaratën time për media”, shkruan Berisha në “Facebook”.
Kujtojmë se ka qenë ish-kryetari i Grupit Parlamentar të Partisë Socialiste, Taulant Balla ai që e ka paditur në vitin 2020, ish-kryeministrin Sali Berisha, ish-ministrin të Mbrojtjes Arben Imami, anëtarë të tjerë të qeverisë së drejtuar nga Berisha, Jamarbër Malltezi dhëndrin e Berishës, i cili është përfitues direkt i kësaj prone si dhe drejtues të shtabit të ushtrisë shqiptare bashkë me administratorët dhe aksionerët e dy kompanive ndërtuese në atë kompleks./Opinion.al
