Presidenti i Partisë së Lirisë, Ilir Meta ka reaguar pasi GJKKO nuk pranoi kërkesën e tij për masë më të butë sigurie.
Përmes një postimi në rrjete sociale, Meta thotë se do ta çojë çështjen në Gjykatën e Strasburgut.
Ai paralajmëron se sot në orën 17:30 do të tregojë argumentat e tij kundër “pretendimeve qesharake të akuzës”, si dhe ditën e nesërme do t’i përgjigjet pyetjeve të gazetarëve.
“Asnjë çudi nga drejtësia me regji ku SPAK përgjon gjykatat dhe ku afërmendsh akuzat formulohen nga tribunat e “Rilindjes”.
Ne do ta çmontojmë këtë farsë hap pas hapi dhe do ta shpartallojmë në Gjykatën e Strasburgut por edhe në debatin publik.
Ndaj ndiqni sot në ora 17:30 argumentat e mia kryesore kundër pretendimeve qesharake të akuzës, nga Sekretari i Përgjithshëm, z.Tedi Blushi.
Nesër në ora 11:00 përmes telefonit të z.Blushi i ftoj të gjithë gazetarët të më adresojnë pyetjet e tyre për të zhvilluar së bashku një konferencë për mediat live.
Nuk ka fuqi që i mbyt të vërtetat e Ilir Metës dhe kauzat e Partisë së Lirisë”, shkruan Meta në rrjete sociale.
