GJKKO ka dënuar me 3 vite burg ish-gjyqtaren e Krujës Enkelejda Hoxha. Duke përfituar nga gjykimi i shkurtuar ajo do të kryej 2 vite burg.
SPAK kishte kërkuar 3 vite e 6 muaj burg për gjyqtaren Hoxha, e cila akuzohet për korrupsion.
GJKKO dënoi me 4 vite burg për avokatin Aldo Tabaku, por nga gjykimi i shkurtuar ai do të kryej 2 vite e 8 muaj burg. Për Tabaku, SPAK kishte kërkuar 4 vite burg.
Për sekretaren e Gjykatës së Krujës, Manuela Mallkuçi GJKKO dha 3 vite burg, që zbriten në 2 vite, për Trëndafile Fagun 1 vit shërbim prove, për Migena Skënderin 8 muaj liri me kusht, për Isuf Tanuzi, 1 vit 8 muaj burg, për Gazmir Nezajn dhe Gentjan Nezajn nga 1 vit e 8 muaj burg.
Për Saimir Petanin dhe Bledar Petanin gjykata vendosi nga 2 vite e 6 muaj burg për secilin, që zbriten në 1 vit e 8 muaj për shkak të gjykimit të shkurtuar.
Ajo u arrestua më 11 shkurt, pasi do lironte nga burgu një person të dënuar për vrasje në këmbim të shumës 12 mijë €.
Hoxha u arrestua bashkë me 9 persona të tjerë akuzohen se në bashkëpunim me njëri –tjetrin kishin ngritur një skemë përmes të cilës ulnin dënimet ose lironin nga burgu të dënuar për vepra të rënda penale kundrejt parave./Opinion.al
