Aktualitet

GJKKO çon në Kukës dosjen e vëllait të kryebashkiakut të Fushë-Arrëzit


Bëhu pjesë e Grupit Zyrtar të Opinion.al
>> KËTU <<
               Publikuar në : 16:37 - 08/07/20 |
Al Do

Gjykata e Posaçme e Apelit Kundër Korrupsionit dhe Krimit të Organizuar ka pranuar kërkesën e Fran Tuçit dhe Durim Vatës, për të dërguar dosjet e tyre në prokurorinë e Gjykatës së Kukësit.

Apeli i GJKKO shpalli moskompetencë gjykimi për Arben Tuçi, vëllain e kryebashkiakut të Fushë-Arrëzit Fran Tuçi dhe Durim Vatën, të arrestuar gjatë operacionit antidrogë të zhvilluar në Kukës e Has më 18 maj 2020.

Edhe pse GJKKO shpalli moskompetencën për dy të pandehurit ka vendosur që të vijojë të qëndrojë në fuqi masa ‘arrest me burg’ e vendosur nga gjykata e shkallës së parë.

Aksioni i policisë ku u arrestua vëllai i kryebashkiakut të Fushë-Arrëzës, vuri në pranga gjithësej 19 persona pas një hetimi prej dy vitesh.

Mes të arrestuarve ishin edhe 3 policë, Ramiz Cenaj, një efektiv i komisariatit Kukës, Naim Kadiu, oficer i Policisë gjyqësore dhe Arben Kalaja një oficer i Policisë në Drejtorinë e Përgjithshme në Policisë së Shtetit.

Kultivimi i parcelave me kanabis bëhej me garancinë e policëve të arrestuar ndërsa roli i Arben Tuçit, vëllait të Fran Tuçit, dyshohet se ishte gjetja e klientëve për ta blerë.

Nuk dihet ende pse gjykata e SPAK ka vendosur të ndajë Tuçin dhe Vatën nga 17 të arrestuarit e tjerë duke qenë masa për ta pritet të merret më 10 korrik në orën 08:30. /Opinion.al

Pas