Kreu i grupit Parlamentar të Socialistëve dhe njëkohësisht përfaqësuesi i mazhorancës në Gjykatën Kushtetuese, Taulant Balla pas ka folur pas mbylljes së seancës për shkarkimin e presidentit Ilir Meta.
Balla ka kërkuar ruajtjen e një heshtjeje institucionale deri në daljen e vendimit të gjykatës.
“Vendimet për rrëzime apo pranime i merr vetëm Gjykata Kushtetuese. Ne kemi detyrimin që nga ky monument, që është mbyllur procesi, të respektojmë pavarësinë e vendimmarrjes së Gjykatës Kushtetuese. Mendoj se nga momenti i përfundimit të procesit, të gjithë ne kemi detyrimin, përfshirë Presidentin, partitë e kushdo tjetër, të ruajmë heshtjen institucionale, derisa Gjykata Kushtetuese, brenda afatit 30-ditor, të shprehet, me gjithë arsyetimin. Procesi ka qenë për t’u përshëndetur. Mendoj se çdo deklaratë e imja apo e palëve të tjera të përfshira në proces nuk do i bënte mirë procesit”,-ka thënë Balla.
