Shpërthimet me bomba që tronditën sot Brukselin duke shkaktuar viktima dhe të plagosur në aeroport dhe metro kanë bërë që gjithë vendet e Europës të vendosen në alarm. Sipas mediave botërore, po shtohen masat e sigurisë në Gjermani, Britani, Itali, Francë, etj. Janë mbledhru këshillat e sigurisë në këto shtete dhe po diskutohet për mbyllje aeroportesh dhe vendesh të tjera publike.
Katër shpërthime kanë tronditur Brukselin në orët e para të mëngjesit të së martës, dy prej të cilëve të verifikuar në aeroportin Zaventem, ndërsa dy të tjerët në dy stacione metroje në zemër të kryeqytetit belg.
Burimet zyrtare flasin për të paktën 13 viktima dhe rreth 30 të plagosur. Shpërthimet vijnë katër ditë nga kapja në Bruksel të Salah Abdeslam, i dyshuari kryesor i sulmeve të nëntorit në Paris.
