Kjo foto e rrallë e qytetit të Gjirokastrës, e tregon atë në një moment të zhytur në mjegull. Pamja që duket befasuese, është bërë nga Hoteli më i famshëm dhe më ekskluziv i qytetit, “Kërculla resort”, që dominon qytetin e gurtë dhe kalanë nga lartësia e 475 metrave. Nga lartësia e kodrës dominuese mbi qytet, ai është i gjithi i fshehur, përfshi Kalanë e Argjirosë. Kjo nuk është pamje e rrallë për Gjirokastrën, por është mahnitëse për turistët e huaj dhe vendas që vizitojnë qytetin. Vitet e fundit, pas përfshirjes në listën e UNESCO, Gjirokastra është bërë një ndër vendet më të vizituara nga të huajët në Shqipëri.
Kodra e Kërcullës është pika më e lartë e qytetit. Në mes të viteve ’80 – të aty u ndërtua një shtëpi pritjeje për drejtuesit komunistë të kohës, por më pas funksionoi si lokal. Në dy muajt e fundit, aty është ngritur një ndër hotelet më luksoze dhe më të buykur në Shqipëri, me një pamje mahnitëse. Jo rrallë si kjo e kësaj fundjave, kur hoteli qëndron mbi retë që mbulojnë qytetin! Më poshtë disa nga fotot e marra nga resorti dhe një foto e vetë Hotelit naten!
