Gjirokastra, një ndër vendndodhjet më të rrezikuara të trashëgimisë kulturore në Europë

Gjirokastra është propozuar nga disa organizata shqiptare që të hyjë në listën e 1 prej 7 vendndodhjeve më të rrezikuara të trashëgimisë kulturore në Europë. Ekspertët që hartuan propozimin ishin kritikë për mënyrën e menaxhimit të trashëgimisë së mbrojtur nga UNESCO.
Në takimin e mbajtur në Gjirokastër u denoncuan teknikat e restaurimit në qytetin e gurtë.
Sipas aktivistëve Gjirokastra është në fazë emergjente dhe kërkohet ndërhyrja ndërkombëtare për të ndaluar degradimin.
Megjithëse janë evidentuar 51 godina që rrezikojnë shembjen përfundimtare do të jetë e vështirë që të shpëtohen. Restaurimet pa rijetëzim vijojnë të mbeten një pikëpyetje mbi të ardhmen e trashëgimisë kulturore për qytetin e mbrojtur nga UNESCO.