Drejtuesi i punimeve të OSSH-së në Gjirokastër është arrestuar pasi ditën e djeshme, gjatë riparimit të një linje elektrike në lagjen Gërhot, dyshohet se për shkak të moskryerjes së kontrollit dhe mungesës së monitorimit në punën e elektricistëve është dëmtuar dhe ka ndërruar jetë elektriçisti Gëzim Çabej.
52-vjeçari akuzohet për veprat penale “Shpërdorim i detyrës” dhe “Shkelja e rregullave të mbrojtjes në punë”. Policia bën me dije se nën hetim është edhe një operator i OSSH në Gjirokastër, pasi dyshohet se falsifikoi dokumente duke ndërhyrë në librin e dispeçerisë.
Ditën e djeshme Gëzim Çabej humbi jetën pasi ra nga shtylla e tensionit të lartë pas kontaktit me rrymën elektrike në lagjen Gërhot në Gjirokastër.
Materialet i kaluan Prokurorisë Pranë Gjykatës së Shkallës së Parë Gjirokastër, për veprime të mëtejshme./Opinion.al
