Pavarësisht motit të keq autobusët që transportojnë njerëz drejt Greqisë, kanë vijuar punën normalisht. Të paktën 10 autobusë janë bllokuar në Gjirokastër si pasojë e motit të keq duke e pasur të pamundur kalimin.
Tvklan.al, ka kontaktuar me një qytetar i cili ka kërkuar ndihmë për të ndërhyrë. Llambi Goga është shprehur se:
“Jemi nisur që në orën 3 të mëngjesit nga Tirana dhe tani kemi disa orë që po presim në hyre të Gjirokastër. Ju kërkojmë shoferëve të autobusëve të na kthejnë mbrapsht por, askush nuk reagon, pasi kanë hallin e lekëve që duhet të na kthejnë. Jemi më fëmijë të vegjël, ju lutëm na ndihmoni”, thotë Goga.
Edhe pse autoritetet kanë paralajmëruar se aksi drejt Tepelenës është shumë i vështirë për tu kaluar për shkak të rritjes së nivelit të ujit në liqenin e Viroit, askush nuk i ka dëgjuar.
