Pas konfirmimit në postin e kryetarit të Akademisë së Shkencave, Skënder Gjinushit dha një deklaratë për mediat.
Një nga pyetjet që ju drejtua nga gazetaret ishte në lidhje me ambiciet e tij për këtë post dhe se kur kishin lindur ato para apo pas reformës.
“Kur lindi ambicia juaj për tu bërë kryetar i akademisë së shkencave, para reformës apo në momentin që po e bënit reformën?”, ishte pyetja e gazetares.
Kryetari i sapozgjedhur i akademisë së shkencave zgjodhi ta kalojë me një batutë ironike e më pas duke mos ju përgjigjur fare pyetje.
Por ajo që ra në sy ishte se pas tërheqjes së gazetarëve Gjinushi ju drejtua sërish gazetares duke i thënë: “Je shumë e eksituar, shko vizitohu”.
Një koment aspak i denjë për t’ju bërë një femre e cila po bënte punën e saj, aq më i rëndë është fakti që ky koment vjen nga kryetari i Akademisë së Shkencave.
Ndërsa në lidhje me akuzat e Artan Fugës se akademikët janë nga 90 vjec, Gjinushi u përgjigj:
“Prapë më Fugën?! Nuk ekziston në asnjë legjislacion në botë që akademikut t’i hiqet e drejta e votës për shkak të moshës, po vetëm nëse bëhet për shkaqe votash. Të vjetrit duhen. Përsa i përket prurjeve të reja, pikërisht këtë afron platforma e re. Brezat nuk luftojnë me njeri tjetrin, nuk bëjnë brryla po punojnë sëbashku dhe i bëjnë oponencë qeverisë.” / Opinion.al
