Pritej të kishte pikëllim e pakënaqësi te vetë lojtarët e nominuar për t’u larguar nga kombëtarja, sepse nga 27 vetë, vetëm 23 mund të federopheshin në UEFA për finalet e “Euro 2016”. Por, që të kishte një reaksion të tillë ndaj zgjedhjeve të De Biazit, për katër të skarcuarit, nuk besohej. Në faqen zyrtare të FSHF-së, në Facebook, ku është hedhur lajmi për listën përfundimtare të Shqipërisë, që do të shkojë në Francë, kanë shpërthyer komentet mosmiratuese. Pa dashur të mbajmë anë, po publikojmë mjaft prej komenteve, që tregojnë dëshpërimin e tifozëve, po aq sa të vetë lojtarëve në fjalë, që sot në mëngjes u larguan të pikëlluar e pa fjalë nga rezidenca kuqezi në Austri.
Kristi Vangjeli – Përzgjedhje skandaloze. Gjimshiti në 5 ndeshjet e fundit titullar tek Atalanta në Seria A tregoi formë shumë të mirë. Pa folur për Rashicën, që bëri supersezon te Vitesse, në një kampionat elitar, dhe mund të ishte rezultativ duke parë çfarë tiparesh ka. Ndërkohë, shohim lojtarë nga skuadra mediocre, në liga akoma edhe më mediokre, që ndonjëherë, si rasti i Bashës te Como, apo këta që luajnë në Kroaci, Greqi e Turqi, ngrohin stolin rregullisht. Për më tepër, “Euro 2016” duhet të shërbente si vitrinë për lojtarët e rinj. Turp i madh!
Veton Murati – Eshtë shkelur mbi mundin dhe djersën e Berat Gjimshitit. Kjo është skandaloze! Me çfarë e meritoi më tepër Frederik Veseli të shkojë në Europian para Beratit!? Gjimshiti ka dhënë mundin e tij në kualifikimet për në Europian dhe të mos mund të shijojë rezultatet e punës është skandaloze. TURP!
Chris Qazimi – Të rroftë Kukeli, Abrashi dhe Veseli, që s’e dinë çfarë forme ka topi. Kujdes, se mos marrësh me vete ndonjë lojtar që mund të bëjë një driblim, një pas të saktë dhe një gol. Arbër A. Rashiti – Me Andi Lilën kurrë me fitu në “Euro 2016” s’kemi! Pastaj lë jashtë një supertalent, si Milot Rashica, një supertalent nga Vushtria. Po të luante në “Euro 2016”, mbas kampionatit do të kishte megaoferta nga skuadrat e mëdha. Turp për De Biasin edhe mafioz Dukën.
Bajram Ibraimi – Po shoh disa komente, që po shkruajnë se De Biasi na pruri në Kampionin Europian. Disa mendojnë aq lehtë se mashtrohen, po nuk është ashtu, se ato që kanë meritat dhe që kemi arrit deri këtu janë krejt këto lojtarët, që kanë luajtur për kombëtaren deri tash.
RinaGeri Rada – Analizë! Duke krahasuar Veselin me Gjimshitin. Veseli ka luajtur më shumë këtë vit, por s’ka luajtur në eleminatoret. Veselin e ka marrë për mbrojtës krahu. Gabimi është që Gjimshiti ka gjatësi dhe mendoj se do të ishte më i dobishëm se Veseli. Rrahmani super mbrojtës, por akoma s’e ka tregu veten, vendim i drejtë. Shala nuk i përshtatet shumë lojës sonë, edhe pse është një talent. Të marrësh lojtar si Andi Lila e Basha, kjo ngre shumë pikëpyetje. I pari nuk ka frerë në fushë, është lojtar që do ta dëmtojë kombëtaren me faulla, ndërsa për Bashën thjesht respekt…, como.com, Seria C1, në fund.
Egzon Selimi – Andi Lila në vend të Berat Gjimshitit, kjo s’do koment. Rashica, më në formë prej të gjithë lojtarëve që janë ftuar aty, nuk merret në Francë, po shkon Roshi. Këta të katër, së bashku me Mehën, do të luajnë tash e tutje për Kosovën. Anderson Anderson – Të lësh jashtë Gjimshitin dhe të mbash Veselin, që s’ka dhënë asnjë kontribut, këtë ju e dini.
Gerhard Canellari – Për mua duhej të hiqej Lila (s’ka lidhje fare me futbollin, këmbët i ka skandal, s’di të vendoset në fushë, bën faulla të rëndë pa pikë lidhjeje, është shumë i trashë), Gashi (është shumë jo luftarak dhe nuk shoh asgjë speciale tek ai ). Duhet të qëndronte Gjimshiti (një lojtar polivalent në mbrojtje).
