“Jam single”, ka deklaruar vetëm pak ditë më parë Gjiko kur u pyet për marrëdhënien e tij me Elita Rudin. Por, siç duket reperi është penduar dhe tashmë më në fund e ka pranuar lidhjen e tij.
Gjiko ka publikuar në rrjetet sociale një foto, ku shihen këmbët e tij dhe të vajzes që ka përkrah, ndërkohë mbi foto shkruan “Bae”, një shprehje zhargon që përdoret për “e dashur”. Edhe pse reperi nga Kosova nuk ka zbuluar asgjë më shumë në lidhje me vajzën në fjalë, një foto e Elita Rudit e ka “tradhtuar” dhe nuk ka lënë më vend për dyshim.
Elita ka publikuar foton e këmbëve të saj, ku shihet qartë se bëhet fjalë për të njëjtat xhinse dhe të njëjtat këpucë si në foton e Gjikos. Çifti janë tashmë prej disa muajsh bashkë dhe duket se gjërat po ecin mirë mes tyre.
