Pa rezultat ka përfunduar edhe mbledhja e sotme e Këshillit Politik.
Përfaqësuesi i mazhorancës, Damian Gjiknuri deklaroi se opozita nuk ka sjellë një draft konkret mbi ndryshimet kushtetuese që do të reflektohen në Kodin Zgjedhor.
Ai shtoi gjithashtu se mazhoranca do të vazhdojë përpara në Kuvend me ndryshimet në Kodin Zgjedhor nëse opozita nuk sjell propozime konkrete në Këshillin Politik.
“Opozita solli një letër pak më ndryshe se letra e parë por harruan që këshilli vepron në bazë të një standardi të imponuar nga opozita. Kur kishim debat për menaxhimin zgjedhor, kuotës gjinore dhe të tjera që ODIHR kishte rënë dakord të japë asistence. Opozita tha se për sa kohë kemi debate politike nuk mund ti drejtohemi veçmasi ODIHR. Tani i themi hajeni me propozime konkrete. Unë prita nga PD, ata kundërshtuan. Ne e sollëm propozimin tonë si Parti Socialiste.
Tentativa si këto për të përsëritur të njëjtën tentativë kanë për qëllim pengimin e zbatimit të ndryshimeve kushtetuese. Natyrshëm që ne nuk do të lëmë vakum kushtetues, nëse nuk duan të prononcohen për pozicionin e tyre në do të vazhdojmë. Këshilli politik është krijuar për shkak të dëshirës së mirë të mazhorancës. Nuk mund të mbajë peng një organ konsultativ një organ vendimmarrës. Ne do t’i presim deri ditën e fundit”, tha Gjiknuri. /Opinion.al
