Ministri Damian Gjiknuri ka komentuar situatën politike, duke deklaruar se Shqipëria ka nevojë për stabilitet dhe opozita nuk duhet të përdorë metoda presioni.
“Shqipëria ka nevojë për stabilitet dhe opozita nuk duhet të përdorë metoda presioni. Koalicioni do qeverisë deri atëherë kur është mandatuar. Kushdo është i lirë të hyjë në zgjedhje ose jo”- ka thënë Gjiknuri.
Deklarata e ministrit të Ramës vjen pak orë pasi kreu i ekzekutivit zhvilloi një takim në zyrën e kryetarit të Kuvendit, Ilir Meta.
Ndërkohë ambasadorja Susanne Shutz tha se zgjedhjet janë proces i lirë dhe i ndershëm, ndërsa merr pjesë ajo parti që dëshiron të marrë pjesë.
“Ashtu sikurse Gjermania është shprehur edhe më parë, zgjedhjet duhet të jenë të lira e të ndershme dhe të zhvillohen në kohën e duhur. Në zgjedhjet parlamentare duhet të marrin pjesë ato parti që dëshirojnë të futen”- ka thënë ambasadorja gjermane.
Deklaratat u bënë nga Vlora, gjatë inaugurimit per ndërtimin e nenstacionit te ri te Orikumit.
