Sekretari i Përgjithshëm i Partisë Socialiste, Damian Gjiknuri gjatë fjalës së tij në Kongresin e PS ka kujtuar një shprehje të Dritëro Agollit.
Ai e quajti Agollin atin e socialistëve, ndërsa kujtoi thënien e tij “Kush rreh gjoksin, tremb zemrën”.
“Na ndajnë vetëm një vit nga zgjedhjet, por ne duhet të bëjmë më shumë se sa kundërshtarët. Ju përmenda tim at, socialist i vjetër, por tani dua të përmend një at më të madh, atin e socialistëve, Dritëro Agolli me thënien; “Kush rreh gjoksin, tremb zemrën”, dhe ne nuk duhet të rrahim gjoksin, pasi gjërat e mëdha bëhen me kurajo dhe zemër”-tha ai.
