Qeveria duket se e ka nisur me reflektime takimin e sotëm me administratën qendrore të qarkut Vlorë. Pas fjalës së Ramës për punësimet dhe fjalës së Xhafës për ndryshime në administratë, ka qenë ministri i Energjitikës Damian Gjiknuri,i cili duket se ka bërë autokritikë përpara kabintetit dhe punonjësve të qarkut të Vlorës, teksa ka pranuar se institucioni që varet prej tij dhe pikërisht OSHEE është parë nga qytetarët si një vend ku shtetit mund të vidhet.
“Kur i pyesja qytetarët se ku dëshironin të punonin më thonin në OSHEE”, pohon Gjiknuri duke shtuar: “Kjo më dhimbte, sepse më linte të kuptoja që qytetarët e shohin OSHEE si një lopë për ta mjelë”.
