Një taksist ka qenë ai që ka gjetur telefonin e biznesmenit të vrarë Ruzhdi Hoxha. Mësohet se ka qenë celulari, mjeti që çoi në gjetjen e trupit të tij të pajetë dje në Dajt.
Gazetarja Klodiana Lala ka raportuar se telefoni i viktimës ishte gjetur përtokë në zonën pranë shkollës së Bashkuar, nga një taksist.
Më pas taksisti e ka shitur celularin e gjetur në një servis në kryeqytet. Bëhet e ditur se telefoni celular nuk kishte pin dhe një nga teknikët e servisit kishte bërë me të një thirrje telefonike.
Sipas Lalës ka qenë pikërisht kjo telefonatë që sinjalizoi policinë, e cila lokalizoi vendin e servisit dhe e sekuestroi atë si provë materiale. Ndërsa pasi u identifikua taksisti, ai kishte deklaruar dhe vendin se ku e kishte gjetur, dhe nga ky moment policia filloi kërkimet në zonën e Dajtit.
Nga lëvizja e telefonit të viktimës, policia zbuloi dhe vendin ku ishte vrarë dhe mbuluar me zhavor e gurë Ruzhdi Hoxha. Kujtojmë se si i dyshuar për krimin është arrestuar Ferdinand alias Fredi Rrushi./Opinion.al
