Administratori i Vllaznisë, Suad Lici ka konstatuar mëngjesin e sotme një pako të dyshuar me lëndë plasëse të mbështjellë me natriban poshtë automjetit të tij. Fatmirësisht nuk ka patur shpërthim ndërsa Lici ka njoftuar policinë e cila ndodhet në vendngjarje për zbardhjen e dinamikës.
LEXO EDHE – Administratorit të Vllaznisë i gjendet pako me eksploziv poshtë makinës
Administratori i Vllaznise ka patur disa herë kërcënime për punën e tij por asnjëherë nuk ka bërë denoncime. Edhe pas ngjarjes së sotme ai thotë se nuk ka konflikte me askënd dhe se do të vazhdojë që qëndrojë në detyrë pasi nuk trembet.
“Nuk kam konflikte me askënd. Jam një njeri i lirë. S’kam pasur asnjë shqetësime” deklaroi ai për gazetarët.
Lici bëri gjithashtu thirrje se nëse bëhet fjalë për çështje sporti, krimi duhet të rrijë larg tij.
“Nëse ka pasur probleme me sportin, jam sqaruar. Ja lë në dorë organeve kompetente që të zbardhin ngjarjen. Nuk më tremb jo ngjarje. Do vazhdoj me aktivitetin tim. Nëse është marrëdhënie me sportin, mendoj se njerëzit, çdo strukturë kriminale, duhet të rrijë larg sportit. Pasi ky qytet ka nevojë për shumë gjëra. Jam njeri i lirë dhe pas kësaj ngjarje”, tha Lici. /Opinion.al
