Kreu i PD, Sali Berisha ka folur jashtë ambjenteve të SPAK, pas zbatimit të masës së sigurisë detyrim paraqitje.
Ai u shpreh se gjeti brenda SPAK deputetin e PS, Etjen Xhafaj, i cili sipas tij është bërë kurban, pasi shkeli marrëveshjen sipas ‘të cilës nuk mund të sulmohet skapi pa autorizimin e Edi Ramës’.
“Tani, çfarë gjeta unë aty.
Aty ish-xhelatin e Sigurimit të Shtetit, Arben Kraja që po merrte një strajcë me pare nga Benet Beci dhe po pinin një kafe shtruar.
Pra, një.
Gjeta kurban Etjenin e Fatmir Xhafës, kurban të marrëveshjes Rama-Dumani. Sepse Etjeni e shkeli marrëveshjen sipas të cilës nuk mund të sulmohet më Skapi pa autorizimin e plotë të Edi Ramës.
Marrëveshja është kufizimi, ndalimi i hetimeve për zyrtarët e lartë.
Dhe pasi dështoi në bashkimin e votave me opozitën, pasi u përpoq të tërheqë opozitën në një akt antikushtetues dhe të papërgjegjshëm, u ul nëpërmjet Ulziut dhe firmosi marrëveshjen.
Etjeni kishte mbetur aty, nuk dilte më nga Skapi”, tha Berisha.
