Konferenca për shtyp e trajnerit të Manchester United Jose Mourinho në mënyrë të çuditshme ka zgjatur vetëm 30 sekonda teksa ai mbërriti në një dhomë gati të shkretë përpara se të fillonin pyetjet. Me sa duket portugezi kishte planifikuar të largohej sa më shpejtë nga dhoma teksa lojtarët e tij zhvilluan ndeshjen e fundit të sezonit në “Old Trafford”. Brenda pak sekondave pasi sekretari i tij pyet nëse ka pyetje nga rreth katër gazetarët e pranishëm, Jose përshëndeti dhe u largua.
Mourinho dihet tashmë se është i pakënaqur me ecurinë e ekipit të tij dhe me sa duket nuk ka dashur t’i përgjigjet pyetjeve për sa i përket finales së Europa League. Ai gjithashtu nuk është i kënaqur me gazetarët dhe analistët anglezë të cilët sipas tij kanë injoruar vështirësitë e ekipit për shkak të dëmtimeve dhe kalendarit të ngjeshur. Ai mendon se ekipit të tij i është hequr merita për shumë gjëra që ka arritur gjatë këtij sezoni, si fitorja e dy trofeve dhe mundësia për të fituar një të tretë
