Kryetari i PS Edi Rama ka njoftuar largimin nga kjo forcë politike të deputetes Eglantina Gjermeni. Kryetari i PS Edi Rama ka njoftuar largimin nga kjo forcë politike të deputetes Eglantina Gjermeni. Këtë deklarim Rama e bëri gjatë një takimi me gratë socialiste, me rastin e 8 Marsit. Duke folur për kontributin e saj, Rama tha se Gjermeni përfaqësoi me dinjitet PS për 12 vite rresht.
“Mirënjohje gjithmonë në këtë Ditë të Gruas, dy bashkëpunëtoreve simbol të promovimit të legjislacionit mbi barazinë gjinore, të drejtat e grave, fëmijëve, minoriteteve dhe kundër dhunës ndaj gruas; dy aktivisteve shembullore të Shoqërisë Civile, që sollën në PS vlera e kontribute të reja dhe për 12 vjet rresht e përfaqësuan PSme dinjitet e profesionalizëm, në Kuvend e në Qeveri. Vasilika Hysi dhe Eglantina Gjermeni, shumë faleminderit nga zemra për gjithçka dhatë e bëtë në këtë rrugëtim të jashtëzakonshëm dhe faleminderit edhe për leksionin e qytetarisë, mençurisë e mirësisë që u dhatë të gjithëve, me tërheqjen plot klas nga jeta parlamentare, si edhe premtimin për të vazhduar të jeni pjesë e këtij rrugëtimi pavarësisht karriges”, tha Rama.
Pas fjalës së kryetarit të partisë, gratë e pranishme në takim me zotin Rama, kanë duartrokitur.
Kujtojmë se ish-ministrja Gjermeni nuk është e vetmja që po largohet nga radhët e socialistëve, pak përpara publikimit të listës së kandidatëve. Më herët edhe Vasilika Hysi, Besnik Baraj dhe Sadi Vorpsi deklaruan largimin nga partia.
