Gjermania ka regjistruar 1,707 raste të reja me Covid-19 në 24 orë. Ky është numri më i lartë që nga 26 Prilli. Rritja raportohet të jetë pasojë e qytetarëve që kthehen nga jashtë, si dhe mungesa e distancimit social dhe higjenës.
Ashtu siç ishte parashikuar, me afrimin e muajit Shtator, rastet e infektimit me Covid-19 po shënojnë rritje në të gjithë Europën.
Franca ka regjistruar 3,776 raste të reja dhe ka identifikuar 399 raste të transmetimit komunitar që janë aktive. Qyteti jugor i Nice ka njoftuar se veshja e maskave tani është e detyrueshme kudo jashtë shtëpisë.
Në Spanjnë u regjistruan 127 vdekje dhe 3,175 raste të reja me Covid-19 në 24 orët e fundit. Ashtu si në Gjermani, kjo normë e infeksionit nuk është parë që nga fundi i prillit. Gazeta El País raporton se shumë nga infeksionet e reja janë në shtëpi banimi për të moshuarit.
Italia gjithashtu ka raportuar rritje të infeksioneve, me 642 raste të reja në raportimin e saj të fundit ditor. Numri nuk është aq i madh sa në disa vende të tjera evropiane, por këto nivele të infeksionit nuk janë parë që nga fundi i majit. /Opinion.al
