Gjermania do të shpenzojë 750 milionë euro për kërkimet shkencore për gjetjen dhe më pas shpërndarjen e një vaksine kundër Covid-19.
Rreth 500 milionë euro do të shkojnë drejt zgjerimit të kapaciteteve për krijimin dhe testimin e vaksinës, dhe pjesa tjetër e parave do të jetë për zhvillimin e kapacitetit prodhues.
Lajmin e njoftoi Ministrja e Kërkimit Anja Karliczek, e cila sqaroi se “sapo të zbulohet dhe aprovohet një vaksinë, prodhimi duhet të fillojë sa më shpejt, në një shkallë të gjerë si në Gjermani ashtu edhe në mbarë botën” .
Një ndër qëllimet kryesore të programit të ri të financimit është të lejojë që testimet klinike të nisin me një numër më të madh pjesëmarrësish që nga fillimi. Personeli mjekësor ose punëtorët e tjerë thelbësorë mund të përfshihen në testime në baza vullnetare, shtoi Karliczek./Opinion.al
