Në një intervistë për Deutsche Welle, politikani gjerman Michael Roth ka komentuar situatën politike në Shqipëri dhe Ballkan. Ai foli gjithashtu për zgjidhjen e konfliktit Kosovë-Serbi me anë të zhvendosjes së kufijve.
“Integriteti territorial i vendeve të Ballkanit Perëndimor është i rëndësishëm për ne. Përpjekja për zhvendosje kufijsh ka shkaktuar vuajtje të pafundme në të kaluarën. Prandaj, sipas meje, këto përsiatje, jo vetëm që nuk premtojnë shumë sukses, por janë edhe tejet të rrezikshme. Çfarë na nevojitet, është një marrëveshje gjithëpërfshirëse, e cila i rregullon përfundimisht marrëdhëniet, i mundëson Serbisë dhe Kosovës të anëtarësohen në BE dhe i zgjidh me marrëveshje të gjitha çështjet teknike që janë ende të hapura. ”
Roth tha se Gjermania pret nga Shqipëria që ta përdorë ndikimin politik në mënyrë konstruktive. Ai tha se Shqipëria duhet të angazhohet në mënyrë konstruktive për stabilitet në të gjithë rajonin.
“Mund të jetë vetëm në interes të Shqipërisë, si pjesë e rajonit, që të parandalojë me çdo kusht një destabilizim të ri të Ballkanit Perëndimor, gjë që detyrimisht do të vijonte nga ndryshimi i kufijve,” tha Michael Roth.
I pyetur se si do të ndikonte në procesin e antarësimit në BE kjo marrëveshje, Roth u përgjigj:
“Për proceset e anëtarësimit në BE kjo (marrëveshje) me siguri që nuk do të ishte aspak e dobishme.”/E.L
