Gjermania është një nga vendet që emigrantët nga vende jashtë Evropës po drejtohen gjithnjë e më shumë për tu pënësuar. Por ky vend i Bashkimit Evpropian nuk e ka parë ndonjëherë veten si një vend emigracioni, ndonëse mungojnë rreth 1.2 milionë punonjës të kualifikuar në fusha të ndryshme.
Për këtë arsye është duke u hartuar një ligj i ri për imigracionin e forcave të kualifikuara të punës, ku do të lehtësohet ardhja e punonjësve nga vende që nuk i përkasin BE-së. Për herë të parë këtë të enjte në Bundestag parlamentarët debatuan rreth këtij ligji, shkruan DW.
Sipas tyre ligji rregullon qё punonjёsit e kualifikuar nga vendet jashtё BE-sё tё mund tё punojnё, nёse posedojnё njё kontratё pune dhe kanё kualifikimin pёrkatёs tё njohur nё Gjermani.
Gjithashtu kufizimi pёr profesione tё caktuara do tё hiqet po ashtu si edhe shqyrtimi me prioritet i aplikimeve nga gjermanё apo shtetas tё vendeve tё tjera tё BE-sё.
Njё verifikim i tillё sidoqoftё mund tё rivendoset afatshurtёr nё nivel rajonal.
Kush ёshtё i kualifikuar dhe flet mirё gjermanisht, mund tё lejohet tё udhёtojё pёr maksimumi gjashtё muaj nё Gjermani edhe pa njё kontratё pune, pёr tё kёrkuar punё.
Deri mё sot ky rregull vlente vetёm pёr ata qё mbaronin studimet e larta. Ai qё kёrkon punё duhet tё kujdeset vet pёr tё ardhurat pёr jetesё gjatё kёsaj periudhe.
Ata nuk pёrfitojnё ndihmё sociale. Ky rregull do tё provohet fillimisht pёr njё periudhё pesё vjeçare.
Ministri i Brendshёm, Horst Seehofer e quajti kёtё si njё “vendosje historike piketash” pёr Gjermaninё drejt njё “politike moderne migracioni”.
Me ligjin e ri do tё ketё kritere tё qarta, se kush dhe nё çfarё kushtesh lejohet tё vijё dhe tё qendrojё. Gjermania do tё ruajё kontrollin nё çdo kohё, se kush vjen nё vend, siguroi ministri i Brendshёm:
“Ne me kёtё ligj krijojmё kushtet, qё ato forca tё kualifikuara pune, qё i duhen urgjentisht ekonomisё sonё, tё mund tё vijnё nё mёnyrё tё rregullt dhe tё kontrolluar.”
Aktualisht rreth 11 milionë persona jetojnë pa pasaportë në Gjermani, ndërsa në vit rreht 100.000 marrin shtetësinë.
