Vala e re e sanksioneve amerikane kundër Rusisë thellon përçarjen mes aleatëve perëndimorë. Gjermania i kërkoi Komisionit Europian të shqyrtojë mundësinë e vendosjes së kundërsanksioneve ndaj Shteteve të Bashkuara. Deklaratën e bëri ministrja gjermane e ekonomisë Brigitte Zypries, e cila i quajti sanksionet e reja amerikane ndaj Moskës “shkelje të ligjeve ndërkombëtare”.
Për ministren gjermane, amerikanët nuk mund të ndëshkojnë kompanitë gjermane. Industrialistët gjermanë shprehën shqetësimin se sanksionet amerikane do të detyrojnë kompanitë gjermane të bashkëpunojnë për projektet e tubacioneve të gazit e naftës, që janë të rëndësishme për sektorin energjitik në Gjermani dhe që i shkaktojnë një dëm të madhe ekonomisë vendase nëse ndërpritet bashkëpunimi me Moskën.
Një prej pikave më të rëndësishme të ligjit për ashpërsimin e sanksioneve ndaj Moskës, të miratuar të enjten e kaluar në senatin amerikan, ishte ndërprerja e marrëdhënieve ekonomike me disa kompani të mëdha ruse, veçanërisht në fushën e energjisë./ABCNEWS
