Tre adoleshentë u arrestuan pasi dyshohen se kanë vrarë një të pastrehë në Gjermani, të cilin njëri prej tyre e filmoi teksa kreu krimin, thanë autoritetet.
Sipas mediave të huaja, viktima ishte rreth të 40-ave, dhe trupi i tij u gjet nga një kalimtar në Horn-Bad Meinberg, një qytet i vogël në një rajon rural të Gjermanisë që ndodhet 170 milje në veri të Frankfurtit. Të premten, policia dhe prokurorët thanë në një deklaratë se një djalë 14-vjeçar dhe dy 15-vjeçarë u arrestuan si të dyshuar.
Ata thanë se të dyshuarit dhe burri dukej se ishin takuar rastësisht dhe se kishin një video të krimit, e cila besojnë se ishte filmuar dhe shpërndarë nga njëri prej të dyshuarve në media.
Prokurori Alexander Goerlitz i tha agjencisë gjermane të lajmeve se dy të dyshuarit kishin pranuar se kishin përdorur dhunë ndaj viktimës.
Hetuesit gjetën një thikë pranë vendit të krimit, por ende nuk është e qartë nëse ajo ishte arma e përdorur në vrasje./ Opinion.al
