Qyteti Trier në Gjermani është vënë në alarm këtë pasdite, pasi një makinë hyri në një zonë këmbësorësh duke shkaktuar të paktën dy viktima dhe disa persona të plagosur.
Lajmi është bërë i ditur në Tuiter nga policia, ndërkohë që agjencia e lajmeve DPA konfirmon se drejtuesi i mjetit është arrestuar dhe makina është sekuestruar. Policia thotë se i dyshuari është një 51-vjeçar nga Trier-Saarburg, ndërsa bëhet thirrje për qytetarët të qëndrojnë larg qendrës së qytetit.
“Për shkak të një situate operacionale në Trier, evitoni me çdo kusht qendrën e qytetit. Zjarrfikësit, shërbimet e shpëtimit dhe policia janë në zonë. Do t’ju mbajmë të informuar”, thuhet në një reagim zyrtar nga këshilli i qytetit./Opinion.al
Der Täter von #Trier wurde gestellt. pic.twitter.com/tS00T6Dv0j
— Pentti Aellig (@paellig) December 1, 2020
