Një i ri shqiptar është dhunuar, keqtrajtuar dhe hedhur në liqenin Anglersee të qytetit Erbach në Gjermani.
Kufoma e të riut u gjet ditën e hënë, ndërsa identifikimi u bë i mundur ditën e djeshme. Viktima është 19 vjecari shqiptar, Xhoi Musaj.
Kanë qënë kalimtarë të rastit që kanë zbuluar se në liqen ndodhej trupi pajetë i një të riu që kanë njoftuar policinë.
Fillimisht u mendua se i riu ishte mbytur aksidentalisht, por autopsia provoi se është dhunuar dhe keqtrajtuar dhe më pas është hedhur në liqen.
Mediat gjermane bëjnë të ditur prej muajit prill i riu jetonte në Gjermani. Nuk dihen ende shkaqet dhe motivet e ngjarjes së rëndë, për zbulimin e së cilës policia gjermane ka vënë në dispozicion një shpërblim 3 mijë euro për këdo që ka informacion të vlefshëm që çon në identifikimin dhe kapjen e autorëve.
Policia ka vënë në dispozicion numrin e telefonit 0731/1880, për këdo që ka informacion të vlefshëm, ndërsa premton ruajtjen e anonimatit. /Opinion.al
*Në foto 1 viktima, foto 2 vendi i ngjarjes
