Kur vjen puna te ato ditët e vështira të muajit, femrat sillen pothuajse njësoj. Simptomat janë të njëjta gjatë periodave, ndryshimi i vetëm është se disa prej tyre i ndjejnë më shumë, e disa më pak. Por në këtë listë kemi përfshirë disa prej veprimeve të cilat të gjitha femrat i kanë bërë të paktën një herë në jetë. Ja për cilat bëhet fjalë:
1 – Mund të hanë çdo gjë që i del përpara. Po, stomaku i tyre mund të kthehet në një frigorifer si ato të supermarketit që mbajnë çdo produkt me shumë sheqer dhe kripë.
2 – Mund të qajnë për çdo gjë të mundshme. Nuk ka rëndësi se çfarë i thua, një femër gjatë periodave ka lot për çdo situatë. Është çështje hormonesh.
3 – Kërkojnë peceta ose tampon edhe nga të panjohurit. Nuk ka rëndësi nëse asaj vajzës te zyra poshtë nuk i ke folur kurrë, kur të duhet një pecetë do ja kërkosh pa pikë turpi.
4 – Veshin mbathjet e “gjyshesh”. Domethënë nuk ja marrin borxh gjyshes, por secila nga vajzat ka të brendshme enkas për periodat të cilat janë si ato të gjyshes. Epo rehatia mbi të gjitha.
5 – Do shmangin çdo lëvizje. Sidomos në ditët e para. Nuk ja vlen të lëvizësh për asnjë arsye në botë, kështu shumicën e femrave pjesën më të madhe të kohës do i gjesh të shtrira në krevat, në të njëjtin pozicion, duke dëshiruar të vdesin. Përsëri çështje hormonesh.
6 – Të gjitha femrat pyesin veten “a jam e çmendur”? Dhe nuk kanë faj, veprimet e tyre dhe nervat i bëjnë të pyesin veten shpesh për shëndetin mendor.
7 – Problemet duken më të mëdha gjatë periodave. Shumë femra përjetojnë edhe kriza ekzistencialiste gjatë periodave, dhe kjo është mëse normale. Pas 5 ditësh kthehen sërish në formë./Opinion.al
