Gjeneral Bardhy Kollçaku, ish-shef i Shtabit të Përgjithshëm të FA, tha në emisionin “Opinion” se koha po punon në favor të Ukrainës.
Duke analizuar situatën aktuale, ai tha ndër të tjera se në Kiev do të zhvillohet një luftë urbane, që do e bëjë qytetin Stalingradin e luftës së paligjshme.
“Në Kiev do të zhvillohet luftë urbane. Do të jetë Stalingradi i luftës së paligjshme. Duhet patur parasysh që është 1100 km kufiri me Rumaninë dhe Poloninë. Edhe sikur të rrethohet Kievi, këtu jo vetëm lumi Dniepër por ka dhe shumë luemenj të tjerë për të neutrlaizuar. Nuk mund të rrethohet në kuptimin që të mos futet askush. Një gjë është e sigurt. Koha tani punon për Ukrainën. Ne menduam, por dhe unë kam ndjekur analistët e zbulimeve amerikane apo britanike, kyçi kanë qenë 72 orët e para. Derisa u thyen sulmet për të kapur aeroportin, derisa grupet zbuluese nuk arritën objektivin kryesor Zelensky, ata humbën befasinë strategjike, qoftë edhe mundësinë. Tashmë i gjithë populli është në patrullim”, tha Kollçaku.
