Gjenerali amerikan Mark Milley, shprehet se ekzistojnë mundësitë që SHBA të bashkëpunojë me talebanët për të sulmuar militantët e Shtetit Islamik apo grupeve të tjera.
“Talebanët janë një grup “i pamëshirshëm” dhe “mbetet për t’u parë nëse ata do të ndryshojnë. Në luftë bëhet ajo që duhet për të zvogëluar rrezikun dhe jo domosdoshmërisht ajo që do të dëshironim të bënim”, tha gjeneral Milley dy ditë pasi trupat e fundit amerikane u larguan nga Afganistani.
Biden ka ngarkuar Sekretarin e Shtetit Antony Blinken të bashkërendojë përpjekjet me partnerët ndërkombëtarë në mënyrë që talebanët të mbajnë premtimin e tyre për largimin e sigurt të amerikanëve dhe atyre që duan të largohen nga vendi në ditët në vazhdim.
