Autoriteti Rrugor Shqiptar ka informuar mbi situatën e rrugëve në të gjithë vendin pas reshjeve të dëborës dhe ngricave.
Sipas njoftimit të Autoritetit Rrugor Shqiptar, rajoni Jugor i vendit nuk ka probleme me qarkullimin e mjeteve. Në te gjitha akset e tjera të rrjetit kombëtar, qarkullimi kryhet normalisht, pa zinxhirë.
Ndërkohë, në segmentin Ura e Cerenecit-Steblevë, konkretisht në Qafë Dragalicë-Steblevë, rekomandohet përdorimi i zinxhirëve, ndërsa të gjitha akset e tjera garkullimi vazhdon normalisht.
“Rajoni Verior, aksi Qafë e Buallit-Krastë, u pastrua dhe qarkullohet normalisht, në të gjitha akset e këtij Rajoni qarkullimi kryhet pa zinxhirë. Rajoni Qendror, përveç një pjese në segmentin Ura e Cerenecit-Steblevë e konkretisht në Qafë Dragalicë-Steblevë, ku rekomandohet përdorimi i zinxhirëve, në të gjitha akset e tjera garkullimi vazhdon normalisht. Të gjithë kontraktorët janë në gatishmëri për përballimin e çdo situate. Vijon puna për pastrimin e akseve dhe kriposjen ? në vendet ku ka ngrica dhe akull nga temperaturat e ulëta”, thuhet në njoftim./ Opinion.al
